Sunday, February 19, 2012

ഒട്ടിച്ചേരുമ്പോള്‍

ഭൂകമ്പമാപിനികള്‍ക്കളക്കാനാകുമോ
ഒരു ചുംബനം നിന്നിലുണര്‍ത്തിയ
ചലനങ്ങളുടെ തീവ്രതയെ

എന്‍റെ കൈവിരലുകള്‍
നിന്നിലഴിച്ച കൊടുങ്കാറ്റ്
കുരുക്കിപ്പറിക്കാത്ത വന്‍കരകളുണ്ടാകുമോ

പനിക്കൂര്‍ക്ക മണക്കുന്ന
നിന്‍റെ വിയര്‍പ്പില്‍ ശമിക്കാത്ത
തീത്തഴമ്പുകളുണ്ടാകുമോ

നമ്മുടെ നിശ്വാസങ്ങളിടഞ്ഞ്
കണ്ണുകള്‍ കൊരുക്കുമ്പോള്‍
ഇനിയെനിക്കാകുമോ
നക്ഷത്രങ്ങളെ കൊതിച്ച രാത്രികളെ
വെറുക്കാതിരിക്കാന്‍

Image Courtesy : Google